Glókollur

Almennar upplýsingar

Glókollur er minnsti fugl Evrópu og þá jafnframt minnsti fugl Íslands. Hann er áberandi hnöttóttur, hálsstuttur, ólífugrænn að ofan, grænleitur á síðum, með gula kollrák og svartar rendur hvora sínu megin við hana, án brúnarákar. Tvö ljós vængbelti og gulir fjaðrajaðrar á svartleitum vængfjöðrum eru einkennandi. Hluti kollrákar karlfugls er appelsínugul. Ungfuglar eru án kollrákanna en vængmynstur er áberandi. Vængir stuttir og breiðir.

Kvikur og sístarfandi, leitar ætis í trjám, stundum á flugi eða hangandi á hvolfi. Kallið er hátt tíst, á hárri tíðni sem fer gjarnan framhjá fólki sem komið er á miðjan aldur eða eldra. Söngurinn er hávært, endurtekið tveggja atkvæða hljóð sem endar með dilli.

Fæða og fæðuhættir:
Undirstöðufæða glókolls er grenilús (sitkalús) og stökkmor, en hann tekur einnig önnur smádýr á trjám, eins og köngulær, aðrar blaðlýs, feta, lirfur, púpur og skordýraegg af laufi og barri. Tekur einnig stökkmor af jörðu niðri. Veiðir aðallega á fæti, en andæfir stundum og grípur skordýr.

Fræðiheiti: Regulus regulus

Kjörlendi og varpstöðvar

Skógarfugl sem finnst fyrst og fremst í greniskógum en einnig í blönduðum skógum. Hreiðrið er kúlulaga með tveimur opum, gert úr mosa og gróðurleifum, hangandi neðan á grenigrein. Verpur venjulega nokkrum sinnum yfir sumarið.

Varp- og ungatímabil

Dvalartími á Íslandi