Maríuerla

Almennar upplýsingar

Maríuerla er lítill og kvikur spörfugl með langt stél sem hann veifar í sífellu. Fullorðin maríuerla er grá á baki og gumpi; kollur, kverk og bringa eru svört, enni og vangar hvít. Bringan er hvít, sem og ytri stélfjaðrir, vængir og miðhluti stéls dökk. Karlfugl er dekkri en kvenfugl. Ungfugl er móbrúnn á höfði með svartan díl á bringu.

Flug maríuerlunnar er bylgjótt. Sitjandi sveiflar hún löngu stélinu upp og niður í sífellu og kinkar kolli. Hún veiðir flugur á jörðu niðri eða á flugi, hleypur hratt. Maríuerlur eru venjulega stakar eða í litlum hópum.

Fæða og fæðuhættir:
Dýraæta, tekur einkum fiðrildi, bjöllur og tvívængjur. Veiðir bæði fljúgandi dýr og tínir þau upp af jörðinni, með kvikum hreyfingum og stuttum sprettum. Þekkt er það atferli maríuerlu, að tína dauð skordýr af grillum og stuðurum bíla.

Fræðiheiti: Motacilla alba

Kjörlendi og varpstöðvar

Verpur á sveitabæjum, í þéttbýli, klettum við sjó, við vötn og ár og víðar á láglendi. Hreiðrið er vönduð karfa í holu eða gjótu, hlöðnum vegg, á sperru eða undir þakskeggi, undir brú eða jafnvel í grenitré. Utan varptíma er hún oft í fjörum.

Varp- og ungatímabil

Dvalartími á Íslandi